Tíðindi
Starvsfólkaleiðari til p/f SMS
Kundi tú hugsað tær at staðið á odda fyri starvsfólkaøkinum í eini av Føroya størstu fyritøkum? So er tað kanska tær, vit leita eftir, tí p/f SMS skal hava ein starvsfólkaleiðara.
Sum starvsfólkaleiðari fært tú eitt fjølbroytt og avbjóðandi starv í eini vinnu í menning.
Vit vænta, at tú dugir at arbeiða yvirskipað og at samstarva við nógv ymisk starvsfólk og ymsar fakbólkar. Hjá p/f SMS hava leiðararnir dagligu starvsfólkaábyrgdina, og tú skalt kunnað veita ráðgeving innan HR og leiðslu, umframt at tryggja vælvirkandi fyrisitingarligar mannagongdir og skipanir. Starvsfólkaleiðarin vísir til leiðsluna.
Starvið
Høvuðsuppgávurnar eru hesar:
- Leiða og menna HR-økið
- Stuðla og ráðgeva í sáttmála- og starvsfólkaviðurskiftum
- Umsita og avgreiða starvsfólkasáttmálar
- Arbeiða við politikkum og mannagongdum á starvsfólkaøkinum
- Menna og stimbra starvsfólkini í fyritøkuni til at røkka okkara málum
- Vera við til at skapa trivnað og arbeiðsnøgdsemi
- Útvega starvsfólk til ymisku arbeiðsplássini í fyritøkuni
Tín vangamynd
- Tú hevur viðkomandi útbúgving, førleikar og royndir við fyrisitingarligum uppgávum
- Tú hevur vitan um lógir og reglur á starvsfólkaøkinum, umframt innlit í sáttmálaviðurskifti
- Tú dugir at halda høvdið kalt undir trýsti og at luttaka í avgerðargongdum og at finna loysnir
- Tú leggur dent á góða tænastu og kennir týdningin av at halda tíðarfreistir og avtalur
- Tú hevur eitt jaligt sinnalag, ert fleksibul og dugir at arbeiða sjálvstøðugt og skipað
- Tú hevur góðan kunnleika til føroyskt í skrift og talu
Vit bjóða
Eitt áhugavert og fjølbroytt starv í eini dynamiskari fyritøku í støðugari menning, har nógv hendir og ferðin ofta er høg. Starvið inniber spennandi, fakligar avbjóðingar, har tú fert at standa á odda fyri at stimbra og menna starvsfólkaøkið í p/f SMS tvørtur um allar handlarnar í samtakinum. Tú fært møguleika at seta tín dám á starvsfólkaøkið.
Løn- og setanartreytir
Løn og treytir eru sambært avtalu. Starvsstaðurin er á skrivstovu okkara á Trapputrøð í Tórshavn.
Umsókn
Umsókn við lívsrensli (CV), avriti av prógvum og viðkomandi tilfari skal sendast við telduposti til starv@sms.fo í seinasta lagi 1. januar 2020.
Starvið verður sett skjótast gjørligt.
Allar umsóknir verða viðgjørdar í trúnaði.
Vilt tú hava meira at vita? Set teg í samband við Niels Mortensen, stjóra, á tel 341900.
Um SMS
Samtakið SMS er ein av føroya størstu fyritøkum við yvir 650 starvsfólkum á lønarlistanum og við fleiri ymiskum fakbólkum. Í samtakinum eru SMS, Bónus, Mylnan, og matarstøðini í SMS. Tað eru 13 Bónus og Mylnu- handlar í alt. SMS er eitt samtak í støðugari menning, har ongin dagur er líka. Her er høgt til loftið og møguleikarnir nógvir. SMS leggur dent á góða tænastu og at hava bestu starvsfólkini til at røkja mongu uppgávurnar í alsamt vaksandi virkseminum.