Tíðindi

Hvørt er best í Partners?

Vinnur tú altíð, tá tit spæla Partners og heldur tú, at eingin í landinum dugir betur enn tú í Partners?

Nú hevur tú møguleikan at prógva tað.

Leygardagin 17. august skipar Dimmalætting fyri stórari kapping í vælumtókta borðspælinum Partners. Spælt verður á torginum í SMS í Havn.

Umframt at kunna kalla seg Føroya bestu í Partners fær vinnandi liðið eisini eina ferð fyri tveir persónar beinleiðis til Riga í Letlandi, við uppihaldi, morgunmmati og útferð frá Fonn Flog.

Liðið, sum endar á øðrum plássi, fær tvey gávukort frá Atlantic Airways á 2.500,-

Til tiltakið er livandi tónleikur, kaffi, te og annað, umframt at MBM bjóðar FIT+ til øll, sum vitja okkum hendan dagin. Eisini eru øll tey, sum tekna sær eitt hald til Dimmalætting hendan dagin, við í lutakasti um eitt gávukort frá SMS á 1.000,- kr. – drigið verður tvær ferðir.

Kappingin byrjar klokkan 10. Ein døgurðasteðgur verður á degnum, har høvið verður at fáa sær okkurt til matna og annað. Einasta treyt fyri luttøku er, at í minsta lagi annar persónurin á liðnum er fyltur 18 ár 17. august 2019.

Tilmelding fer fram á kapping@dimma.fo – Avmarkað luttøka.

Eru spurningar, kunnu tit skriva á kapping@dimma.fo ella ringja til Kenneth á 292912.

Praktiskir upplýsingar: Spælt verður eftir almennu reglunum í Partners. Tey, sum melda til, skulu vera til reiðar at brúka tað mesta av degnum til Partners, um tey koma langt í kappingini.